Valentine’s Day

By vikashvikash|2020-02-19T12:08:41+00:00February 19th, 2020|Love, People|

Hi Vikram..
Kaise ho….bhot dino baad tumhe mail kar rhi hoon. Happy valentine day, Kitne saal ho gye par jaise lagta hai kal ki hi baatein ho kal ki hi yaadein ho. School time se hi humdono ek dusre pe jaan chhirakte the. Waise mera erada sirf dosti tak hi tha pr tumne hi Class 12th me valentine day k din mujhe propose kar k dost se apna pyar bna lia. Es baat ko vikram karib 16 saal ho gye aur aaj bhi mai tumhe utna hi pyar karti hoon jitna pahle karti thi..Pahle tumhari girlfriend thi aur ab tumhari wife. Kitne Badal gye ho tum vikram.. pahle tum mujhe kitna pyar karte the aur ab sirf jhagra. Na time ki fikra rahti hai na ghar ki. Kabhi kabhi mujhe lagta hai ki tumne mujhse shadi kark kahin galti to nhi kar di kyuki agar graduation k turant baad tumhari job nhi lagti aur mai agar tumhe shadi k liye jid nhi krti to shyad tum aaj kisi bare saher me kisi bari company me bhot ache post pe hote. Par shayad mere expectations k karan tum khud ko kahin na kahin rok k rakhte ho. Mujhe bhi tumhari tarah apni ek alag pahchan bnani thi. Mujhe bhi asmaan me apni udaan bharni thi. Mujhe tumhara khud ko rok k rakhna aur khud ki alag pahchan na bna pane ka ab utna dukh nhi hota kyuki , ab mai apni pahchan tumme aur apni 8 saal ki beti pankhuri me dekhti hoon.
I know mai ye mail type to kar rhi hoon par ye mere draft me hi save rah jayega. Kyuki mai tumhare jaisi expressive nhi hoon aur agar hoon bhi to sirf tumse jhagra karne me. Esliye agar tumne mera ye mail padh lia to tum samjh jaoge ki mai tumse kitna pyar karti hoon aur har din tumse jhagra karna ka bahana dhoonti hoon. Waise jhagre se yaad aaya ki aaj pankhuri k school me function hai aur tumhe sham ko 5 bje uske school function me hona hai. Pichhli baar to meeting me es tarah busy ho gye the ki raat ko 12 bje ghar aye the aur fir hamari tumhari bahubali part 3 chali thi. Tumhe kuch yaad nhi rahta na vikram..na hamari anniversary, mera birthday , pankhuri ka birthday nothing. Esliye to tumpe gussa karti hoon..dekho aaj valentine day hai aur mujhe pakka yakin hai ki tum mujhe wish bhi nhi karoge..

HAPPY VALENTINE’S DAY SWATI..